पोषणयुक्त खाद्य सामाग्री वितरण


सुर्खेत २३, चैत्र ।

वीरेन्द्रनगर नगरपालिका १ नम्बर वडाका अति विपन्न परिवार लाई विषेश पोषण सप्लिमेन्ट प्याकेज वितरण गरिएको छ । वास्तविक आवश्यकतामा रहेका गर्भवती महिला, सुत्केरी महिला, स्तनपान गराउने आमा, पांच वर्षमुनिका बालबालिका र किशोरी गरि एक सय भन्दा बढीलाई खाद्य सामाग्रि वितरण गरिएको हो ।

पोषण प्याकेज अन्तर्गत पोलिस नगरेको चामल, अण्डा, गेडागुडी तथा क्वाँटी, शुद्ध तोरीको तेल वितरण गरिएको छ । यसैगरि हरियो तरकारी तथा सागपात, फलफुल, सर्वोत्तम पिठो, ज्वानो जस्ता खाद्य सामाग्री वितरण गरिएको वडा अध्यक्ष गंगाराम सुनारले बनाउनु भयो ।

पोषण सप्लिमेन्ट प्याकेज १ नं वडा कार्यालयमा वितरण भएको छ । भोर संस्थाको आर्थिक सहयोगमा पोषण सप्लिमेन्ट प्याकेज वितरण गरिएको अभियान्ता खुमलाल न्यौपानेले बताउनुभयो । खाद्य सामाग्री वितरण कार्यक्रममा बरिष्ठ बालविशेषज्ञ डा. नवराज के.सी. ले पोषणयुक्त खानेकुराको सहि मिश्रणले मात्रै राम्रो नतिजा दिने वताउनु भयो । उहाँले बालबालिका तथा गर्भवती महिला लाई खानेकुरा दैनिक रुपमा मिलाएर खाने तरिकाका बारेमा समेत जानकारी दिनुभएको छ ।

वास्तविक आवश्यकता रहेका व्यक्तीहरुको छनोट गर्नका लागि यसअघि जनप्रतिनिधि , वडा कार्यालयका कर्मचारी , स्थानीय क्लव र युवाहरुको टोलि परिचालन भएको थियो । बन्दाबन्दिका कारण पौष्टिक आहारको कमिले निम्त्याउने समस्यालाई कम गर्नका लागि बिशेष सप्लिमेन्ट खाद्य सामाग्री वितरण गरिएको अभियान्ता दिनेश खत्रीले वताउनु भयो ।